Қазіргі таңда сумен жабдықтау біртіндеп қалыпқа келтірілуде, деп хабарлайды @Pavlodarnews.kz тілшісі.

Ақсу қаласы әкімдігінің мәліметінше, «Южная» қосалқы станциясында электр қуатының үзілуіне байланысты электр желілерінде апаттық өшіру болған. Салдарынан су тазарту қондырғысында сумен жабдықтау тоқтатылған. 

-  «Ақсу су арнасы» КММ дереу екінші резервтік желіге қосылды, қалаға су беру қалпына келтірілді. Жабдықтау жүйесіндегі  қысымды 3,0-ге дейін біртіндеп көтеру қажет, қазіргі уақытта қысымы - 2,3, - дейді әкімдікте. 

Сондай-ақ әкімдікте қала бойынша су бар екенін, тек сегізінші және тоғызыншы қабаттарда қысымның төмендігін жеткізді. Алдағы бір-екі сағатта жағдайды қалыпқа келтіруге уәде беруде.