Бағдарламада пайдалы кеңестерден бөлек, фуршет және бағалы сыйлықтар ұтысы қарастырылған, деп хабарлайды @Pavlodarnews.kz тілшісі.

Павлодарлық болашақ аналар үшін жастар бастамаларын дамыту орталығы және «Я родился» балалар дүкені ерекше кездесу дайындады. Ломов көшесі, 38 мекенжайында өтетін кеш нәзіктік пен қамқорлыққа толы атмосферада өтпек. Шараға кіру тегін, бірақ қатысушылардың өзімен бірге айырбастау картасы болуы шарт.

Кеш бағдарламасында тәжірибелі мамандармен еркін форматтағы кездесулер жоспарланған. Жиынға акушер-гинеколог, эндокринолог, доула және отбасылық психолог қатысып, ана мен бала денсаулығына қатысты маңызды сұрақтарға жауап береді. 

Пайдалы ақпараттан бөлек, қонақтар үшін фуршет ұйымдастырылып, бағалы сыйлықтар ойнатылатын лотерея өткізіледі. Ұйымдастырушылардың айтуынша, кешке қатысу үшін алдын ала WhatsApp (+7 707 665 5803) арқылы жазылу қажет. 

Шара 15 сәуір күні сағат 18:00-де басталады.