Бұл бағаның өсуіне байланысты болды, деп хабарлайды @Pavlodarnews.kz тілшісі.

Павлодар облысының әкімі Асайын Байхановтың мәліметінше, биыл Ертіс ауданында өнімділік өткен жылмен салыстырғанда 2,5 есе жоғары болады. Орташа алғанда, фермерлер бір гектардан 13-14 центнер өнім жинауды жоспарлап отыр. Алқаптардың 40 пайызы жиналған. 

– Биыл егін жинау науқаны ұзаққа созылды, өйткені соңғы екі аптада жаңбыр жауды. Жиналған астық ылғалды. Үкімет пен мемлекет басшылығының қолдауымен қосымша мың тонна арзандатылған әлеуметтік газ бөлінді. Ол облыс бойынша таратылды, жартысына жуығы Ертіс ауданына кетті, өйткені мұнда астықтың негізгі көлемі бар, – деді Асайын Байханов.

Оның айтуынша, Ертіс аграршылары астық жинауды 10 қазанға дейін аяқтауды жоспарлап отыр.

– Болжамдар өте жақсы. Биылғы жылы фермерлер бұрынғыдан кем дегенде 2-2,5 есе көп табыс табады, – деп қосты аймақ басшысы.

Ертіс ауданының астық өсірушілерінің табысына жалақының өсуі де әсер етеді. Абай атындағы ЖШС-де жалақы 50 пайызға артқан. Кәсіпорын директоры Николай Миллер жалақыны көтерген кезде

жұмысшыларына 80-нен 100 тоннаға дейін астық бастыру туралы шарт қойған. 

Облыс әкімі Ертіс ауданы тұрғындарының орташа номиналды жалақысы 250 мың теңге екенін ескере отырып, бұл шешімді мақұлдады. 

Өткен жыл ЖШС үшін ауыр болды – 12,5 мың тонна тұқымнан бес мың тонна ғана астық алған. Биыл 48 мың гектар жер егілген. Егін жинау науқанына негізінен екінші дәрежелі ресейлік комбайндар, екі дала бригадасы қатысады. Астықты сақтау үшін элеватор, орталықтандырылған ток бар.

– Астық әлі де толық кеппеген, кептіріп жатырмыз, – деді Николай Миллер. – Саудаға шығаруға және өз қажеттіліктеріміз үшін бізге шамамен 15 мың тонна қажет. Сақтайтын жер бар, күшіміз жеткілікті. Бірақ ауа райы қолайсыз болып тұр. Егер 10 күн жақсы ауа райы болса,   күн сайын 1,5 мың тонна астық  бастырамыз. 

Ертіс ауданының монодақылы – бидай. Бірақ фермерлер арпа, тары, жасымық, қарақұмық сұлы және күнбағыс егеді. 

Еске сала кетейік, бұған дейін аймақ басшысы жұмысшылар егіннің шамамен 60 пайызын жинап үлгерген ауданның ірі шаруа қожалықтарының біріне барған болатын. «Талапкер» ШҚ басқа да шағын шаруашылықтарға егістіктерді жинауға көмектесуге ниетті.