Сайлау 30 қарашаға жоспарланған, деп хабарлайды @Pavlodarnews.kz тілшісі.

Облыстық аумақтық сайлау комиссиясының мәліметінше, Май және Павлодар аудандарында ауылдық әкімдіктердің басшыларын таңдау жоспарлануда.

Егер Май ауданында ауыл әкімі тек бір ауылдық округте ауыстырылатын болса, қала маңындағы Павлодар ауданында бірден үш округте өзгеріс күтілуде. Май ауданының тумалары Ерлік Нұралин мен Мұрат Исин Ақшиман ауылдық округінің әкімі қызметіне үміткер.

Павлодар ауданының Заря ауылдық округіне төрт кандидат тіркелді: Мақсат Солтанов және үш әйел: Гүлнар Қыпшақбаева, Любовь Линник және Зейнеп Токина.

Ал ірі ауылдық округтердің бірі – Чернорецк ауылдық округінде әкім лауазымына осы округтің тумасы, оны ұзақ жылдар басқарған Серік Омаров кандидат ретінде ұсынылды. Оның кандидатурасын Қазақстанның «Ақ жол» демократиялық партиясы ұсынған. Кандидаттар қатарында сондай-ақ өзін-өзі ұсынғандар бар – 41 жастағы Анар Бейсекеева және 27 жастағы Айдархан Қабылбеков.

«AMANAT» партиясы Рождественка ауылдық округінің әкімі лауазымына Альхан Қизатовты ұсынады. Оның қарсыластары – өзін-өзі ұсынған Қуаныш Нұрқожин және Нұрлан Кәрімов.

Кемеңгер ауылдық округін басқаруға «AMANAT» партиясы Әлия Кереева кандидатурасын ұсынып отыр. Оның қарсыласы – Ермек Тәтенов.

14 желтоқсанда Железин ауданының Новомир ауылдық округі тұрғындары өз әкімін сайлайды.