Сәйкессіздіктерді қалалық прокуратура байқады, деп хабарлайды @Pavlodarnews.kz тілшісі.

Қадағалау органы облыс орталығында әлеуметтік маңызы бар азық-түлік тауарларының бағасын қалай қалыптастыратынын талдады. Дүкендерде бөлшек сауда құнының шегі жоғарылағаны белгілі болды.

– Бұл бағаны есептеу кезінде кәсіпкерлік басқармасы бұзушылықтарға жол бергендіктен болды және шекті мәндердің айтарлықтай өсуіне әкелді. Сондықтан кәсіпкерлер осы топтың тауарларын нақты құнынан едәуір асатын бағамен сатты, – деді прокуратурада.

Облыс әкімдігінің қаулысы бойынша биылғы жылдың қаңтар-наурыз айларында бірінші сұрыпты ұнның бөлшек сауда бағасының шекті мәні бір килограмына 248 теңгені құрады, ал қала дүкендерінде бұл тауар 152 теңгеден сатылды. Сиыр еті бойынша да осындай жағдай – әкімдік килограмына 3 196 теңге бағасын белгіледі. Ұлттық статистика бюросының мәліметінше, өңірдегі сиыр етінің орташа бағасы 8 қаңтарда 2 479 теңге болған.

Прокуратура қадағалау актісін енгізді. Бұл биылғы жылдың екінші тоқсанындағы әлеуметтік маңызы бар тауарлардың шекті бағасын төмендетуге негіз болды.