Облыстық байқауға 50-ге жуық оқушы қатысты, деп хабарлайды  @Pavlodarnews.kz тілшісі.

Облыстың мәдени-тарихи мұрасын зерделеу және сақтау, оқушылар арасында тарихи-археологиялық қозғалысты дамыту мақсатында білім беру бөлімінің экология және туризм орталығында «Тарих іздерімен» облыстық экскурсиялық жобалар байқауы өтті. 

Байқауға облыстың жалпы білім беретін мектептерінің 5-11- сыныптарының 45-тен астам оқушысы қатысты, оның 24-і – Павлодар қаласының оқушылары.  Жарыс екі номинация бойынша өтті.

– Өлкетану, туризм, археология, өңірдің киелі жерлері тақырыптарында көптеген қызықты жұмыстар болғанын атап өткім келеді. Бірқатар оқушыларға өз жобаларын пысықтау және толықтыру бойынша одан әрі жұмыс істеу үшін ұсыныстар берілді, – дейді орталықтың «Өлкетану» бөлімінің меңгерушісі Жұлдыз Машкентаева.

Байқау қорытындысы бойынша облыстың 17 қатысушысы, оның ішінде облыс орталығының  алты оқушысы жүлделі орындарды иеленді.