Қоныс колониясында жазасын өтеген сотталушы Павлодардағы ең жоғары қауіпсіздік мекемесіне жіберілді, деп хабарлайды  @Рavlodarnews.kz.

Павлодар облысы бойынша ҚАЖД баспасөз қызметінің мәліметінше, 28 жастағы ер адам қалаға кетіп, қайтып оралмаған. Ол ҚР ІІМ ҚАЖК №44 (ең төменгі қауіпсіздік) мекемесінде мас күйінде көлік жүргізгені және айдап әкеткені үшін жазасын өтеп жатқан.

– Сотталған адам бірінші кезекте қажетті тауарларды сатып алу, монша мен шаштаразға бару үшін қалаға кеткен болатын, алайда кешке колонияға оралмады. Мекеме қызметкерлері бірден бастапқы іздестіру іс-шараларына кірісті. Келесі күні ол Павлодар қаласының аулаларының бірінде табылды,  – деді мекеме бастығы Ардақ Иманғалиев. 

Сотталушы қалаға шыққан соң қызбен кездесіп, бір тәулікке пәтер жалдауға шешім қабылдағанын айтқан. Ол өзінің бұл әрекетінің салдарын білген, бірақ  нәпсісіне ерік берген. Ер адам ҚР ҚК 427-бабы бойынша қылмыстық жауапкершілікке тартылды (жазасын өтеуден жалтару). Тұтқынның мінез-құлқы үшінші теріс дәрежеге жатады. Ол заңға бағынған жағдайда жеті айдан соң еркіндікке шығатын еді, алайда жаза мерзімі ұзартылды.

Осындай бұзушылықтардың алдын алу мақсатында арнайы контингент арасында бұзушылықтарға жол берген сотталушыға қатысты көрсетілімдік сот процесі жүргізілді.

– Сот сотталғанды ең жоғары қауіпсіздік қылмыстық-атқару жүйесі мекемесінде жазасын өтеумен бір жыл, бір айға бас бостандығынан айыру туралы үкім шығарды. Сотталған адам қайта қамауға алынып, сот залынан Павлодар қаласының тергеу изоляторына орналастырылды, – деді судья Қуаныш Төлебаев. 

Қаулы заңды күшіне енген жоқ.