Президенттің Қазақстан халқына Жолдауын орындау мақсатында тұрмыстық зорлық-зомбылық үшін жауапкершілік күшейтілді. 

Мәселен, 2023 жылғы 1 шілдеден бастап полиция өтініш берушіден тұрмыстық құқық бұзушылықтарды тіркеудің анықтау сипатына көшеді. Жаңа түзетулер жәбірленушілердің өтінішінсіз тұрмыстық зорлық-зомбылық жасау фактілері бойынша әкімшілік құқық бұзушылықтар қозғауға мүмкіндік береді. Хаттама толтыру үшін куәгерлердің, көршілердің айғақтары, бейнебақылау камералары мен бейнетіркегіштердің жазбалары жеткілікті болады. Соңғы шешімді сот қабылдайды.

Енді заңнамаға сәйкес, сотта тек бір рет татуласуға болады, бұл зардап шеккендерге психологиялық қысымның қатал тәжірибесін тоқтатуға мүмкіндік береді.

Тұрмыстық зорлық-зомбылық үшін әкімшілік және қылмыстық жауапкершілік күшейтілді.

Әкімшілік қамауға алудың нақты мерзімдері анықталды.

Мәселен, 19 мамырдан бастап Қылмыстық кодекстің ауыр және ауырлығы орташа денсаулыққа зиян келтірумен байланысты жекелеген баптарына: "кінәліге материалдық немесе өзге де тәуелділіктегі адамға қатысты іс-әрекет жасау" деген біліктілік белгісі енгізілді (Қазақстан Республикасы ҚК 106-бабы және 107-бабы).

Бұл қылмыскерді оқшаулау үшін қамауға алу санкциясын қолдануға, сондай-ақ жауапкершілікті күшейтуге мүмкіндік береді:

 - Қазақстан Республикасы ҚК 106-бабының 1-бөлімінің санкциясы үш жылдан сегіз жылға дейінгі мерзімге бас бостандығын шектеуді не сол мерзімге бас бостандығынан айыруды көздейді. 

- 106-баптың 2-бөлімі санкциясы алты жылдан он жылға дейінгі мерзімге бас бостандығынан айыруға жазаланады.  

 - Қазақстан Республикасы ҚК 107-бабының 1-бөлімінің санкциясы екі жылға дейінгі мерзімге бас бостандығын шектеуді не сол мерзімге бас бостандығынан айыруды көздейді. 

- Қазақстан Республикасы ҚК 107-бабының санкциясы 3 жылға дейін бас бостандығынан айыруды көздейді.