Бұл шешім 20 тамыздан бері жүргізілген маршруттық желіні оңтайландырудың сынақтық режимі аясында қабылданды, деп хабарлайды @Pavlodarnews.kz тілшісі.

Қалалық ТҮКШ бөлімінің мәліметінше, жолаушылар ағынын бақылау, көлік қолжетімділігін талдау және тұрғындардың өтініштері негізінде бірқатар түзетулер енгізілді.

№38, №41 және №44 маршруттары (Атамекен ауылы, Жетекші ауылы және Павлодарское ауылы бағыттары) енді теміржол вокзалына дейін қатынайтын болады. Алайда, қалалық маршруттарға тегін ауысып отыру мүмкіндігі тоқтатылады.

Маршрут сызбалары:

 • № 38: Айнакөл ауылы – Атамекен ауылы – Теміржол вокзалы;

 • № 41: Жетекші ауылы – Шарбақты көпірі арқылы Малайсары батыр – Российская – Нұрмағамбетов көшелерімен Теміржол вокзалына дейін;

 • № 44: Павлодарское ауылы – Теміржол вокзалы.

Жолаушылар ағынының төмен болуына және ішінара қайталануына байланысты №24 және №21 автобус маршруттары біріктіріледі.

Осылайша, №21 маршруты Жағалау ықшамауданы – Торайғыров – Назарбаев – Естай – Ак. Сәтбаев көшелері бойынша жүріп, әрі қарай бұрынғы бағытымен Кенжекөл ауылдық округіне (Кенжекөл, Байдала, Долгое ауылдарына) кіріп өтеді.

№1Э маршрутының қозғалысына өзгерістер енгізіледі. Қазіргі бағытқа қосымша Ломов, М. Жүсіп, Құдайбердиев, Кенжетаeв, Мақатаев көшелеріне (Затон базары, Облыстық балалар ауруханасы – «Рембыттехника» аялдамасы, Зағиптар қоғамы және т.б.) кіріп өтеді.

№31 маршруты бұрынғы қозғалыс сызбасына қайтарылады: Усолка ықшамауданы – Майра – М. Мақатаев – Ж. Мұса – Құдайбердиев – М. Жүсіп – Ломов – Ак. Сәтбаев – Торайғыров – Баян батыр – Ледовский – Ермаков – Баян батыр – «Үйеңкі бағы».

Жолаушылар ағынының төмендігіне байланысты №17 автобус маршруты қысқартылады.

Барлық өзгерістер ағымдағы жылдың 1 қыркүйегінен бастап күшіне енеді.