Ол шағын ауданда бой көтерді, деп хабарлайды @Pavlodarnews.kz.

Облыс әкімі Асайын Байхановтың қолдауымен, Конституция күні қарсаңында «Достық» шағын ауданында жаңа, заманауи мектепке дейінгі мекеме – №58 балабақша ашылды.

– Балабақша 79 орынға арналған және дамып келе жатқан шағын ауданның инфрақұрылымының маңызды бөлігіне айналады. Мұнда балалардың тәрбиесі мен білім алуы үшін барлық жағдай жасалған: музыкалық және спорт залдары, логопед, психолог және медицина қызметкерінің кабинеттері бар. Оқыту мемлекеттік тілде жүргізіледі. Қауіпсіздікті қамтамасыз ету үшін бейнебақылау камералары мен дабыл түймесі орнатылған, – деп жазды қала әкімі Хасар Хабылбеков жеке парақшасында.

«Достық» шағын ауданының дамуы жалғасуда, ал әлеуметтік нысандардың ашылуы тұрғындар үшін қолайлы әрі жайлы орта қалыптастыруда шешуші рөл атқарады. Жаңа балабақша балалар үшін қуаныш пен қамқорлықтың ордасы болмақ.