Қазақстан жастар құрамалары мен қожайындар арасындағы матч өте тартысты өтті, деп хабарлайды @Pavlodarnews.kz тілшісі.

Словакияның Прешов қаласында өткен матч 2026 жылғы 21 жасқа дейінгі Еуропа чемпионатының іріктеу турнирі аясында өтті. Ойын басталысымен Словакия қазақстандықтардың қақпасына лап қойды. Әсіресе шабуылшы Нино Марцеллидің әрекеттері аса қауіпті болды. Словактардың алғашқы шабуылына төтеп бергеннен кейін, біздің ойыншылар допты бақылауға алып, мағыналы комбинациялар жасай бастады.

«Қайраттың» шабуылшысы Рамазан Бағдат 11-минутта тамаша стильде есеп ашты. Гол соққаннан кейін қонақтар сенімді түрде қорғанып, қожайындардың оң нәтижеге деген үмітін үзгендей көрінді. Алайда, үзілістен кейін Қазақстан бір таймға ғана төтеп бере алатыны белгілі болды.

Екінші таймда Андрей Ферапонтовтың шәкірттері жиі қателіктер жібере бастады. «Қайраттың» мақтаулы қорғаушысы Александр Мрынскийдің кезекті олқылығынан кейін доп бұрыштамаға шығып, сол кезде есеп те теңесті. Бұл Қазақстан құрамасының жас ойыншыларын әбден састырды. Бірнеше минуттан кейін словактар алға шықты.

Андрей Ферапонтов ойынды құтқарудың жолдарын іздеуге мәжбүр болды. Алаңға жаңа ойыншылар шыға бастады. Павлодарлық Тамерлан Ағыманов пен Вячеслав Раскатов алаңға шықты. Айта кету керек, «Ертіс» командасының ойыншысы Әбинұр Нұрымбет 90 минут бойы ойнады. Дегенмен, ешқайсысы да ойынға айтарлықтай өзгеріс енгізе алмады.

Ақырында, қазақстандықтар 2-1 есебімен жеңіліп, «D» тобында үш ұпаймен алты команда ішінде бесінші орында келеді.