26 қазаннан бастап қоғамдық көлікте жол жүру ақысын төлеудің сараланатын тарифі енгізіледі, деп хабарлайды  @Pavlodarnews.kz тілшісі.

Ақсу қаласы әкімдігінің мәліметінше, қалалық мәслихаттың келісімі бойынша қолма-қол есеп айырысу үшін жол жүру құны – 200 теңге, электрондық төлем кезінде – 100 теңге (бұған дейін 80 теңге болған).

– Бекітілген бірыңғай тариф құнының 50%-ын төлейтін жасы бойынша зейнеткерлер үшін қолма-қол ақшасыз тәсілмен төлеу 50 теңгені, қолма-қол ақшамен төлеу кезінде 100 теңгені құрайды, – деп жазылған хабарламада. 

Қолма-қол ақшасыз төлемді бірнеше жолмен аударуға болады: арнайы көлік картасы, ұялы телефоннан «Смарт Автобус» қосымшасы арқылы, сондай-ақ, Kaspi QR көмегімен.

Еске сала кетейік, Екібастұз қаласында 9 қыркүйектен бастап қоғамдық көлік жаңа тарифпен жүретін болады.  Енді жолаушылар қолма-қол тәсілімен 130 теңгенің орнына 200 теңге төлейді. Ал электронды төлем бұрын 80 теңге болса, қазір – 100 теңге.