Су құбырларын жөндеу жұмыстарына байланысты қаланың бірнеше көшесінде су уақытша тоқтатылады, деп хабарлайды @Pavlodarnews.kz тілшісі.

«Павлодар-Водоканал» ЖШС баспасөз қызметінің мәліметінше, 11 қараша сағат 23:00-ден 12 қараша сағат 8:00-ге дейін екінші көтерілім сорғы станциясындағы коллекторлық ысырманы ауыстыруға байланысты мына мекенжайларда су болмайды:

• Баймолдин көшесі, 5, 9;
• Нұрсұлтан Назарбаев даңғылы, 204 (8–17-кіреберістер);
• Жаяу Мұса көшесі, 1 (1–5-кіреберістер);
• Мұқағали Мақатаев көшесі, 29, 31;
• Усолка көшесі, 42, 42/3;
• Алма Әжібаева мен Баймолдин көшелері аралығындағы жеке үйлер: Назарбаев даңғылы, Нұртазин, Репин, Қазанғап би, Байкалдық және Тоқтаров көшелері.

12 қараша сағат 9:00-ден 17:00-ге дейін Казправда және Курская көшелерінің қиылысында су құбырын ауыстыру жұмыстары жүргізіледі. Осы уақытта су беру мына аумақтарда тоқтатылады:

• Курская көшесі – Казправда көшесінен Азов көшесіне дейін;
• Орловская көшесі;
• Юнатов көшесі.

13 қараша сағат 9:00-ден 17:00-ге дейін Ломов көшесі, 181/1 мекенжайында су құбырын ауыстыру жоспарланған. Су келесі мекенжайларда болмайды:

• Ломов көшесі, 181, 181/1, 181/2, 181/3;
• Равнополь шағын ауданы – Ломов көшесіндегі 183-тен 205-ке дейінгі жеке тұрғын үйлер.

Коммуналдық қызмет өкілдері жөндеу жұмыстары сумен жабдықтау сапасын жақсартуға бағытталғанын хабарлап, уақытша қолайсыздықтар үшін кешірім сұрады.