Үздік қатысушыларға сыйлық немесе диплом береді, деп хабарлайды @Pavlodarnews.kz тілшісі.

Жастар бастамаларын дамыту орталығының қызметкерлері Ақсу қаласы мен оның ауылдық округінің тұрғындарына фотобайқау жариялады. Металлургтер қаласындағы ерекше орындарды немесе сәттерді түсіру керек.

– Байқауға 14-35 жас аралығындағы жастар қатыса алады. Қатысушылар ұсынатын фотосуреттердің сапасы жоғары және олардың өзіндік тарихы болуы керек. Жас фотографтар өздерінің фотосуреті мен түсірген орнына сипаттама беру керек. Фотосуреттердің 1-7 қазан аралығында түсірілуі міндетті, – дейді ұйымдастырушылар.

Байқау жұмыстарын crmi_aksu@mail.ru электронды поштасы немесе +7(771)370-06-63 WhatsApp нөмірі бойынша қабылдайды.

Барлық жұмыстарды ұйымдастырушылар ЖБДО Instagram-парақшасында жариялайды. «Ең қызық фото» аталымында жеңіске жету үшін лайк саны, пікірлер және қазылар алқасының шешімі маңызды. Дауыс беру 7 қазан сағат 10:00-ге дейін жалғасады.