Бұл туралы «Антикор» мекемесі басшысының орынбасары Әсет Оспанов мәлімдеді, деп хабарлайды @Pavlodarnews.kz тілшісі.

Бұрын элиталық президент резиденциясы болған Павлодар облысындағы «Жанбақы-Арнасы» (қазіргі «Jasybai Resort» демалыс орны) мемлекет меншігіне қайтарылды.

Ерекше қорғалатын табиғи аумақта орналасқан элиталық демалыс үйі жекешелендіруге жатпайды. Алайда, алдымен бір жауапкершілігі шектеулі серіктестігі бұл демалыс үйдің иесі болған, кейін иесі басқа ЖШС болған.

– Павлодар облысы әкімдігінің қаулысымен «Jasybai Resort» демалыс үйі Баянауыл ауданы әкімдігінің теңгеріміне берілді, – деді Әсет Оспанов.

Ерекше қорғалатын табиғи аумақта орналасқан Жасыбай көлінің жағасындағы бұрынғы президент резиденциясы жекешелендіруге жатпайды.

Нәтижесінде сот сатып алу-сату шартын және мүлікті жарғылық капиталға қабылдау-тапсыру актісін жарамсыз деп таныды.