Оқиға орнына ТЖД күштері мен құралдарынан 13 қызметкер және төрт техника жұмылдырылды, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, 2025 жылғы 5 қаңтарда сағат 23.38-де Мәшһүр Жүсіп көшесінде орналасқан дүкенде өрт шыққандығы туралы хабарлама түскен. Өрт сөндірушілер жанып жатқан дүкеннен екі газ баллонды алып шықты 

– Шақырту орнына дереу өрт сөндірушілер жіберілді. 60 шаршы метр алаңдағы дүкенде жиһаз, тұрмыстық техника, сөрелердің жанғаны анықталды. Өртті сөндіру барысында өрт сөндірушілер 27 литрден екі газ баллонын шығарды, – деді департаментте. 

Өрт сөндірушілердің үйлесімді және жедел әрекеттерінің нәтижесінде өрт сағат 00:11-де толықтай жойылды. 

Зардап шеккендер жоқ, өрттің себебі мен келтірілген шығын көлемі анықталуда.