Ер адам полицияға қоңырау шалып, енесі оған тыныш өмір сүруге мүмкіндік бермейтінін айтқан, деп хабарлайды @Pavlodarnews.kz тілшісі. 

Облыстық полиция департаменті баспасөз қызметінің мәліметінше, тәртіп сақшылары күндіз үйде қонақтар жиналып, жаңа жылдық мерекелерді атап өткенін анықтаған. Мереке барысында тұрғындар арасында дау туындап, соңы жанжалға ұласқан. 

– Әйел жанұялық жанжал шығарған күйеу баласының әдепсіз мінез-құлқы туралы айтып, оған балағат сөздер айтқанын, физикалық зорлық-зомбылыққа дейін қауіп төндіргенін айтты. Өз кезегінде күйеу баласы қайын енесіне шағымданып, оны барлық сәтсіздіктер үшін айыптады, – дейді департаментте. 

Сауалнама барысында қонақтар күйеу баласы кінәлі екенін, оның мас күйінде жанжал шығарғанын түсіндіріп, әйелді қолдаған.

Полиция қызметкері тараптардың барлық дәлелдерін тыңдап, отбасылық-тұрмыстық қатынастар саласындағы заңсыз әрекеттері үшін ер адамды жауапқа тартты, материал сотта қаралды. Сот күйеу баласын 10 тәулік мерзімге әкімшілік қамауға алды. 

Айта кетерлігі, жыл басынан бері тұрмыс саласындағы құқық бұзушылықтар үшін  25 азамат жазаланған.