Жарылыстың және өрттің таралуына жол берілмеді, деп хабарлайды  @Pavlodarnews.kz тілшісі.  

Облыстық ТЖД баспасөз қызметінің мәліметінше, хабарлама сағат 08.51-де түскен. 

– Оқиға орнына жедел түрде шыққан 11-өрт сөндіру бөлімінің өрт сөндірушілері Успен-Павлодар автожолында, Ефремовка ауылы маңында «Волга» маркалы автокөлігінде шыққан өртті жедел түрде сөндірді. Тілсіз жау төрт шаршы метр алаңды қамтыған, – дейді департаментте. 

Төтенше жағдайлар департаменті азаматтарға автокөлік құралдарын пайдалану кезінде өрт қауіпсіздігі ережелерін қатаң сақтауға кеңес береді.