Тәртіп сақшылары заңды тұлғаларды, мамандандырылған дүкендерді, шаруа қожалықтары мен шалғай учаскелерді тексерді, деп хабарлайды @Pavlodarnews.kz тілшісі. 

Облыстық полиция департаменті баспасөз қызметінің мәліметінше, рейд нәтижесінде заңсыз айналымнан төрт қару, ПМН маркалы екі оқу минасы, граната және тегіс ұңғылы қаруға патрондар табылды және тәркіленді. Айналым ережелерін бұзғаны үшін 98 қару тәркіленді, барлық бұзушылар мамандандырылған оқу орталықтарына қайта даярлауға жіберілді. 

Тұрғылықты жері бойынша 2140 жеке қару иесі тексеріліп, 85 әкімшілік құқық бұзушылық анықталды. 

– Баянауыл ауданының тұрғынынан қойма бөлмесінің дәлізінен 16 калибрлі бір ұңғылы тегіс ұңғылы мылтық, Май ауданының тұрғынынан ПМН-2 оқу минасы, Железин ауданының ауыл тұрғынынан белгісіз маркалы заңсыз сақталған металл газ тапаншасы тәркіленді. Барлық фактілер бойынша баллистикалық сараптамалар тағайындалды, олардың нәтижелері бойынша процестік шешім қабылданады, – дейді департаментте.  

Полиция азаматтарға қару-жарақ құжаттарының болмауы қолданыстағы заңнаманы елеулі бұзу екенін еске салады. Сонымен бірге қаруды өз еркімен тапсырған адам қылмыстық және әкімшілік жауаптылықтан босатылады. Тұрғындар тұрғылықты жеріндегі полиция бөлімі немесе 8 (7182) 39-11-75 телефондары арқылы қару-жарақ пен оқ-дәрілерді ерікті түрде тапсыру тәртібі туралы толық ақпарат ала алады.