Жаңа жылдық безендірілген пойыз ересектер мен балаларға мерекелік көңіл күй сыйлады, деп хабарлайды  @Pavlodarnews.kz тілшісі.

«Қазақстан темiр жолы» ҰК» АҚ баспасөз қызметінің мәліметінше, дәстүр бойынша Жаңа жыл қарсаңында компания жолаушыларға мерекелік көңіл күй сыйлау мақсатында пойыздарды жаңа жылдық стильде безендіреді.

Бүгін Астанадан Бурабай курортына № 7507/7508 безендірілген жаңа жылдық электр пойызы бірінші рейске аттанды.

– Пойыз шырша ойыншықтарының суреттерімен, гирляндалармен және қар ұшқындарымен безендірілген. Мерекелік пойыз оқушылардың жаңа жылдық демалыстары аяқталған уақытқа дейін жүреді, – дейді баспасөз қызметінде. 

Биылғы жылы жаңа жылдық пойыздар тағы төрт бағыт бойынша қатынайды: 

 №4/3 «Астана-Нұрлы жол-Алматы»

№77/78 «Алматы-Маңғыстау»

-№45/46 «Павлодар-Түркістан»

-№38/37 «Маңғыстау-Семей».

Вагондардың жолсеріктері Жаңа жылдың басты ертегі кейіпкерлері – Аяз Ата мен Ақшақар бейнесінде осы пойыздардың жолаушыларын келе жатқан мерекемен құттықтап, балаларға сыйлықтар табыстайды. Сондай-ақ, кішкентай жолаушылар өздерінің тілектері мен хаттарын вагондарға орнатылған пошта жәшігі арқылы Аяз Атаға жібере алады.

⠀