Көлік айып тұрағына қойылды, деп хабарлайды  Рavlodarnews.kz.

Облыстық полиция департаменті баспасөз қызметінің мәліметінше, жол-көлік оқиғасы Маяковский көшесі, 9 мекенжайы бойынша орналасқан үйге қарама-қарсы аумақта  орын алған.

–  Сағат 17.50 шамасында «Лада» маркалы көлік құралын басқарған 37 жастағы жүргізуші Ак. Сәтбаев көшесімен келе жатып,  жаяу жүргіншіні қағып кеткен. Ол реттелмейтін жаяу жүргіншілер өткелі бойымен жолдан өтіп бара жатқан, – деді деді департаментте.

Жол-көлік оқиғасы салдарынан жаяу жүргінші ауруханаға жатқызылды.

Аталған факті бойынша тексеру жүргізілуде, сараптама тағайындалды.