Павлодарда автокөлік қоршауға соғылды
Аталған факті бойынша тексеріс жүргізілуде, деп хабарлайды Рavlodarnews.kz.
Облыстық полиция департаменті баспасөз қызметінің мәліметінше, 30 мамыр күні сағат 07.30-да Луначарский - Бұқар жырау көшелерінің қиылысында «ВАЗ» және «Хонда» автокөліктері соқтығысқан.
– Қатты соққыдан «ВАЗ» көлігі қоршауға соғылып, жүргізушісі медициналық көмекке жүгінген, – деді департаментте.
Жол-көлік оқиғасына қатысты сараптама тағайындалды.
