Жол жүру тегін болады, деп хабарлайды @Pavlodarnews.kz.

26 қыркүйекте ҚР Әділет органдары қызметкерлері күні мерекесіне орай Павлодар қаласының №5 айналма бағыты бойынша жүретін борттық нөмірі 163 қалалық трамвайда «Әділет кеңес береді» акциясы өтеді. Оны Павлодар облысының әділет департаменті ұйымдастырады.

Іс-шараға департамент қызметкерлері, сот медициналық сарапшы, адвокат, нотариус, жеке сот орындаушысы және заң консультанттары қатысады.

– Азаматтар өздерін қызықтыратын мәселелер бойынша құқықтық сипаттағы білікті заң көмегін ала алады. Осы іс-шара уақытында трамвайда жол жүру тегін болады,– делінген хабарламада. 

Трамвайдың деподан шығуы сағат 10:00-де Назарбаев көшесі бойынша жоспарланған.