@Pavlodarnews.kz тілшісі жаңа жылда интерьердің қандай ерекшеліктері сәнді болатынын және ненің мәңгілік классика болып қалатынын анықтады.

Келесі жылдың белгісі – Жасыл ағаш жылан. Бұл таң қалдыруды, эпатаж, салтанатты білдіреді.

«Dream House» павлодарлық студиясының негізін қалаушы әрі жетекшісі Наталья Корниенко жаңа келген жылға болжам жасады. Жыл символының табиғилығына байланысты табиғи ағаш, гүлдер, шыны сияқты интерьер элементтері үлгі болып саналады.

Егер алтын декор 2024 жылы танымал болса, онда биыл жалатылған алтын декоры өте аз болуы керек. Алтын тек қана есік пен терезе тұтқалары, розеткалар мен сөндіргіштер болуы мүмкін. Бұл Old money стильге тән.

2025 жылы түрлі түсті мен әртүрлі текстуралардағы ағашты қолданған жөн. Ағаш тақтайшалар қазір дерлік көптеген интерьерлерде кездеседі, сондықтан жаңа жылда оларды әртүрлі ашық түстермен бояуға болады.

Барқыт, букле, мәрмәр, траветин тас өткен жылда қалды. Енді трендке табиғи маталар мен күрделі текстуралар енуде.

- Табиғатта кездесетін түстер сұранысқа ие болады. Мұндай күрделі түстерде жылы да суық та реңктер болғандықтан, олар бір-бірімен өте жақсы үйлеседі, - деді Наталья Корниенко.

Жаңа жылда минимализм бұрынғысынша танымал болады. Бірақ адамдарға минимализм мен максимализм араласуы көбірек ұнайды. Сондықтан, қолмен боялған қабырғалар, фрескалар және қолдан жасалған декор қарқынды модаға кіруде. Сондай-ақ, қазіргі таңда этно стиль танымалдыққа көбірек ие болмақ.

- Қазір этноинтерьер өзекті болып, біздің жүрегімізді жаулап алатынына қуаныштымын. Ою-өрнектер қазіргі интерьерлерге өте жақсы жарасады, 2025 стилі ұлттық нақыштарды пайдалану үшін өте қолайлы. Қазір бұл мода мейрамханалар мен қонақүйлердің интерьеріне енгізілуде, көп ұзамай тұрғын үйлерге де енуі керек, - деп қосты дизайнер.

Наталья Корниенконың айтуынша, қазіргі уақытта ою мен шыны бар есіктерді орнату, тері дивандарды қою, жылтыр төбелерді жасау және эпоксидті шайырдан жасалған бұйымдарды орнату – адамның талғамсыздықтың белгісі.