Жәрмеңкедегі өнімдердің бағасы нарықтағы бағадан 15–20% төмен болады, деп хабарлайды @Pavlodarnews.kz тілшісі.

14 наурызда облыстың үш қаласы мен он ауданының орталығында жергілікті ауыл шаруашылығы тауар өндірушілерінің қатысуымен кеңейтілген ауыл шаруашылығы жәрмеңкесі өтеді.

Сондай-ақ 15 наурызда облыстың үш қаласында 56 сауда алаңында ауыл шаруашылығы жәрмеңкелері ұйымдастырылады.

Павлодарда – Достық, Усолка, Химқалашық, «Ласточка» және Екінші Павлодар шағын аудандарында.

Ақсу қаласында – Ақсу, 4-ші, 5-ші, 8-ші және 10-шы шағын аудандарында.

Екібастұзда – 9-шы, 5А, 19-шы, 20-шы және 31-ші шағын аудандарында.

Сатылымға шығарылатын өнімнің жалпы көлемі 360 тонна болады:

– сиыр еті – 22 тонна;

– жылқы еті – 18 тонна;

– шикі сүт – 8 тонна;

– картоп – 150 тонна;

– көкөністер – 62 тонна.

Жәрмеңкелерді өткізу халықты сапалы әрі қолжетімді өніммен қамтамасыз етуге, сондай-ақ жергілікті өндірушілерді қолдауға бағытталған.