Бұған дейін спортшы Қазақстандағы ең көркем жарыста жүлде алған болатын, деп хабарлайды @Pavlodarnews.kz.

Алдымен павлодарлық Арман Тұрсынов он шақырымдық Zerenda Half Marathon марафонында бақ сынады. Бұл жарысты елдегі ең әдемі жарыс деп атайды, оның себебі де бекер емес: жол Зеренді көлі, жұмсақ төбелер, қайың, көктерек, қарағайлар алтын және қызыл реңктерге боялған ормандар арасындағы асфальтталған жолдармен өтеді.

Спортшы мұнда  үшінші орынды иеленді. Келесі күні Арман Тұрсынов Қазақстан кәсіподақ қозғалысының 120 жылдығына және Қазақстан Республикасы Кәсіподақтар федерациясының 35 жылдығына арналған Астанада өткен ынтымақтық жүгіруде павлодарлық команда атынан өнер көрсетті. Қашықтық бес шақырым. Бұл жолы жерлесіміз жалпы есепте және 18-29 жас арасында топ жарды.

- Мен жай ғана өз жұмысымды жасадым. Содан кейін мен қалпына келтіру жаттығуларын жасап, 7 қазанда кросс бойынша Қазақстан Республикасы чемпионаты өткен Талдықорғанға жол тарттым. Мен үшін бұл деңгейдегі дебютім – нағыз сынақ болды. Мен мұнда 12 шақырымдық жарыста бақ сынадым. Нәтижеме ризамын. Мұндай сындар адамның шынықтырады, - дейді Арман Тұрсынов.

Ел біріншілігінде Павлодар облысының атынан Самир Серік, Рустам Мұратов және Амангелді Аюпов қатысты. Спортшылар өздерінің жаттықтырушысы Виктор Бондарьға дайындығы мен қолдауы үшін, сондай-ақ оларға қолдау көрсетіп, ұлттық чемпионаттарда өнер көрсетуге мүмкіндік берген қалалық спорт басқармасына алғыстарын білдіреді.