Автокөліктер айып тұрағына қойылды, деп хабарлайды @Pavlodarnews.kz тілшісі.  

Облыстық полиция департаменті баспасөз қызметінің мәліметінше, 4 қараша күні сағат 09:30 шамасында Қызылорда-Павлодар автожолында «Hyundai Sonata» автокөлігінің жүргізушісі жол ережесін сақтамай, «Лада 21214» автокөлігінің жанынан соққан. Соққы салдарынан екінші көліктің жүргізушісі жыраға аударылып,  жолаушысы ауруханаға жатқызылды. 

–  Сол күні сағат кешкі 20:00 шамасында Тереңкөл – Михайловка автожолында «Toyota Carina ED» автокөлігі мен «Toyota Avensis» көлігі бетпе-бет соғысып, бірінші көліктің жолаушысы ауруханаға жеткізілді, – дейді департаментте. 

Бүгінгі таңда жол-көлік апаттары бойынша тергеу жүргізілуде. Автокөліктер айып тұрағына қойылды.