Облыстық полиция ведомствосының бастығы Василий Скляр екі орынбасарын департаменттің басшылығы мен жеке құрамына таныстырды, деп хабарлайды @Pavlodarnews.kz тілшісі.

Павлодар облысы полиция департаменті баспасөз қызметінің мәліметінше, Қазақстан Республикасы Ішкі істер министрінің бұйрығымен тағайындалған полиция полковнигі Қайыржан Шәкарғалиев бұған дейін Екібастұз қаласы полиция басқармасының бастығы қызметін атқарған. 

Полиция полковнигі Вячеслав Ипатов Павлодар облысы полиция департаменті ақпараттандыру және байланыс басқармасының бастығы қызметін атқарған. 

Василий Скляр жаңадан тағайындалған орынбасарлардың үлкен жұмыс тәжірибесіне тоқталып, министрлік әзірлеген, өңірдің аумақтық полиция бөлімшелерінің практикалық қызметіне енгізілетін инновациялар бойынша жұмыс күтіп тұрғанын атап өтті және жаңа жұмыс орнында табыс тіледі.