Көбінесе климат кедергі болуда, деп хабарлайды @Pavlodarnews.kz тілшісі.

Қазақстанның солтүстігіне еңбекке жарамды адамдары мол өңірлердің тұрғындары «Күшті өңірлер – елді дамытудың драйвері» ұлттық бағдарламасы бойынша көшіп келеді. 2017 жылдан бастап Павлодар облысына 14 мыңнан астам адам келді, олардың тек төрт пайызы ғана басқа жерлерге кетті.

– Бағдарламаға қатысу қажетті кадрларды, сондай-ақ болашақта Павлодар облысында оқып, жұмыс істей алатын өскелең ұрпақты тартуға мүмкіндік береді, – деп есептейді Еңбек ұтқырлығы орталығының директоры Меруерт Есембаева.

Көптеген қазақстандықтар қалаларда қалуды жөн көреді, бірақ қандастар мен қоныс аударушыларды бейімдеу және интеграциялау орталығының қызметкерлері ауылдарда өмір сүрудің артықшылықтарын көрсетуде. Олардың бірі әлеуметтік-тұрмыстық жағдайыңызды жақсарту және балаларға білім беру мүмкіндігі.

Меруерт Есембаева климаттық жағдайлардың айырмашылығына байланысты Түркіменстандық этникалық қазақтардың көбі солтүстік өңірлерге барғысы келмейтінін айтты. Осыған қарамастан, билік олардың көшуге шешім қабылдауы үшін барын жасауда.

– Биыл Павлодар облысында 900 этникалық қазақты және оңтүстік өңірлерден екі мыңнан астам қоныс аударушыны, яғни жалпы үш мыңға жуық адамды қабылдауды жоспарлап отырмыз, – деді Меруерт Есембаева ҚР Еңбек және халықты әлеуметтік қорғау министріне.

Жалпы оң нәтижеге қарамастан, көптеген кемшіліктер бар, әсіресе ішкі көші-қонға қатысты. Мысалы, өтелмеген несиелер, төлемдер бойынша қарыздарға байланысты жабылған қоныс аударушылардың банктік шоттары.

– Сондықтан мемлекеттік көмекті өз шоттарына аудару туралы мәселе туындайды, – деп нақтылады орталық басшысы.

– Біз бұл мәселені бірнеше рет көтердік, енді Министрлік мигранттарға әлеуметтік көмек көрсету кезінде несиенің болуын және шоттың жабық-ашықтығын ескермеуді тапсырды.

Ережелер өзгерсе де, бұл несиелер жабылады дегенді білдірмейді.

– Бұл иммигранттарға берілетін қаражат жабық болса да, арнайы шоттарға аударылуы үшін қажет, – деп толықтырды Меруерт Есембаева.

Облыстың жаңа тұрғындарының арасында өз бизнесін ашқандар, соның ішінде қазақ қолданбалы өнерін дамыта бастағандар да бар.

– Мен Ақсуда көрпе шығарып жатқан әйелді көрдім, ал Успен ауданында аяқ киім тігу шебері бар. Осылайша, олар қолөнерді табысты бизнеске айналдырды, – деді ҚР Еңбек және халықты әлеуметтік қорғау министрі Светлана Жақыпова.

Естеріңізге сала кетейік, екі күн ішінде ведомство басшысы әлеуметтік нысандарды аралап, жеке қабылдаулар өткізеді, «Еуроазиялық энергетикалық корпорация» ұжымымен және өңір тұрғындарымен әңгімелеседі.