Қазіргі таңда IT саласындағы жұмыс істейтін әйелдер саны ерлерге қарағанда әлдеқайда аз. Алайда, облысымызда бағдарламашы әйелдердің үлесі біртіндеп артып келеді. 

Stack Overflow сарапшыларының пікірінше, бүгінде әлемдік IT-индустриядағы әйелдер саны небәрі 5% құрайды. Дегенмен бұл жағдай өзгеріске ұшырауда.  

«OpenSky Corporation» веб студиясының қызметкері, № 5 жалпы орта білім беру мектебінде информатика пәні мұғалімі Мәдина Жетпісова @Pavlodarnews.kz тілшісіне «ер» мамандығын игеруден қорықпаған және бағдарламалауды неге «әйелдің ісі емес»  деп  санамайтыны жайлы айтып берді. 

Сондай-ақ IT-да гендерлік тепе-теңдікті сақтау үшін кеңестер берді.

– Жалпы, бүгінде IT-саласында қызмет ететін қыздар көп. Өзім кемсітушілікке тап болған жоқпын. Менің ойымша, біз прогрессивті қоғамда өмір сүріп жатырмыз. Ерлер командасында жұмыс істеу мен үшін оңай. Тіпті, оның артықшылықтары бар, жігіттердің жауапкершіліктері мол, –  дейді спикер.

Оның айтуынша, бүгінге дейін адамдар мамандығы жайлы білгенде көбі таң қалады.   

– Менің ойымша, бұл мамандықта ауыр физикалық еңбекпен айналысудың қажеті жоқ.  Сол себепті, бұл ер адамдардың ғана мамандығы емес. Еркектерді әйелдерге қарағанда ақылды деп санау ақымақтық. Соңғы кездері осы салада еңбе ететін әйел адамдардың көбейіп келе жатқаны байқалады,  – дейді Мәдина Жетпісова.

Спикердің сөзінше, қыздар бағдарламалауды іш пысарлық мамандық және қиын деп санауы мүмкін. Бірақ олай емес. Ол өзін техникалық ғылымдарға қабілетсіз, гуманитарлық маман иесі деп санайды. 

– IT саласы  кең, әрқашан өз ісіңізді таба аласыз. Мен қыздарға soft skills дамытуға кеңес беремін,  – дейді бағдарламашы әйел.

Спикердің ойынша, Қазақстандық IT-да әйелдер көп болуы үшін қоғамды  теріс стереотиптерден арылту керек. Аталған салада жұмыс істейтін әйелдердің бір-бірін қолдайтын қауымдастық құруы бұл мамандық үшін жақсы болар еді.

Айта кетейік, IT саласының дамуына тек ер адамдар ғана емес, әйел адамдардың да үлесі зор болған. Олар әлемдегі алғашқы бағдарламашы ретінде танымал Ада Лавлэйс, ғылыми жетістіктері ретінде  кодтау сигналдарының жаңа тәсілін әкелген Хеди Ламарр, іздеу және шығару технологияларын әзірлеген Карен Спарк Джонс, компьютеріне арналған бағдарламалардың алғашқылардың бірі болып жазған Грейс Хоппер Mark I,  бағдарламалық жасақтама жасаушы, желілік инженер «Интернеттің анасы» Радиа Перлман.