Симфониялық оркестр әйгілі композиторлардың туындыларын орындайды, деп хабарлайды @Pavlodarnews.kz.

9 ақпанда сағат 17:00-де Иса Байзақов атындағы облыстық филармониясында Қазақстанның еңбек сіңірген қайраткері, маэстро Болат Рахымжановтың жетекшілігімен симфониялық оркестрдің концерті басталады. Филармония ұжымы жыл басын қызықты концерттік бағдарламамен ашуды жоспарлап отыр.

– Симфониялық оркестр павлодарлықтар мен қала қонақтарын әлемдік классикалық музыканың алтын қорына бұрыннан және мәңгілікке енген шығармаларды тыңдауға шақырады,– делінген хабарламада.

Кеш бағдарламасында П.И. Чайковский, В. А. Моцарт, Дж.Верди, В. Беллинидің әуендері шырқалады. 

Концерт билеттері филармония кассаларында және Ticketon.kz онлайн сайтында қол жетімді. Байланыс телефондары: 8 (7182) 22-80-87, +7 (775) 593-08-97.