Конкурсқа  «Бір ауыл – бір өнім» бағдарламасының финалистері болып табылатын шағын және орта кәсіпкерлік субъектілері қатыса алады, деп хабарлайды  @Pavlodarnews.kz тілшісі.

Облыстық кәсіпкерлік және индустриялық-инновациялық даму басқармасының мәліметінше, мемлекеттік гранттарды бес млн теңгеге дейін берудің жаңа қағидаларына сәйкес, ағымдағы жылы конкурстық іріктеуге  әлеуметтік кәсіпкерлік субъектілері қатыса алады. 

 Конкурсқа қатысушыларға қойылатын міндетті талаптар:

1) мемлекеттік грант көлемінің кемінде 20% мөлшерінде қоса қаржыландыру (оның ішінде бизнес-жобаға қатысатын жеке жылжымалы/жылжымайтын мүлік);

2) жаңа жұмыс орындарын құру;

3) кәсіпкердің бизнес-жобасында жобаны іске асыру үшін жеткілікті инфрақұрылымның болуы және/немесе құрылуы көзделген инвестициялық жоспардың болуы.

Құжаттар тізімі:

1) жалдамалы жұмыскерлердің орташа саны туралы анықтама;

2) үш жылдан аспайтын мерзімге «Бастау Бизнес» оқыту сертификаты;

3) қоса қаржыландыруды растау кемінде 20%;

4) «Бір ауыл –  бір өнім» бағдарламасының финалист мәртебесін растау.

Қосымша ақпарат алу үшін байланыс телефондары:

• конкурсқа қатысу мәселелері бойынша: 32-33-82;
• әлеуметтік тізілім мәселелері бойынша: 32-33-21;
•  «Бір ауыл – бір өнім» бағдарламасы бойынша: 66-03-11.