Олардың қан қысымы жоғарылап кеткен, деп хабарлайды @Pavlodarnews.kz тілшісі.

Облыстық жедел жәрдем станциясының қызметкерлері 18 және 19 қаңтарда барлық ұйымдастырылған  шомылу алаңдарына кезекшілікке шықты. 

– Павлодарда медицина қызметкерлерінің көмегі екі рет қажет болды. Бірінші жағдайда 1984 жылғы әйелдің қан қысымы көтеріліп, алғашқы көмек көрсетілді. Екінші жағдайда 78 жастағы ер адам мұзға тайып, басын ұрды. Артериялық гипертензия тіркелген науқас №1 Павлодар қалалық ауруханасына жеткізілді, – деді жедел жәрдем станциясында. 

Ал Ақсу қаласында 1964 жылы туған әйелге көмек көрсетілді. Оның да қан қысымы жоғарылаған, бірақ ауруханаға жатқызудың қажеті болған жоқ. 

Дәрігерлер суық суға шомылу ағза үшін, әсіресе жүрек-тамыр жүйесі үшін ауыр жүктеме екенін еске салады. Шомылу немесе морж жасау алдында дәрігермен кеңесу керек. Сонымен қатар, қауіпсіздік ережелерін сақтау және жалғыз суға түспеу маңызды. 

Қан қысымының жоғарылауы – бұл суық суға түсетіндердің арасында жиі кездесетін мәселе. Себебі, суық сумен байланыста болатын тамырлар күрт тарылады.