Оған бірнеше себеп бар, деп хабарлайды @Pavlodarnews.kz.

Биылғы жылы жауын-шашын нормадан 50 пайыздан асты. Қардағы су қоры нормадан 69 пайызға жоғары, бұл көрсеткіш – былтырғыдан 99 пайызға артық. Топырақтың қатуы – 12 пайызға, күзгі ылғалдылығы 63 пайызға өзгерген. 

Қар түсіру деректері көктемгі су тасқыны кезінде Ақтоғай, Успен, Ертіс, Железин, Павлодар және Тереңкөл аудандары су басу қаупіне ұшырауы мүмкін екенін көрсетті.

– «Қазгидрометтің» болжамын ескере отырып, ерекше бақылауда тұрған 43 елді мекенге тағы 22-сін қосу туралы шешім қабылданды, – деп хабарлады облыстық төтенше жағдайлар департаментінің бастығы Жасұлан Жұмашев.

Ойпатта орналасқан 43 ауылда екі мыңнан астам үй бар және он мыңнан астам адам тұрады.

Мұздың күрт еруі және ТЖД су басу қаупі наурыздың 20-сынан бастап күтілуде.

Су тасқыны жағдайы асқынып кеткен жағдайда өңірде 43 эвакуациялау пункті дайын. Мамандар 15 наурызға дейін 1500-ден астам су өткізгіш құбырын ашады және экожүйені сақтау үшін мұзды жармай, кесуге тырысады.

Естеріңізге сала кетейік,  қыстың жылы болуына байланысты облыста су тасқынының  ықтималдығы артты.