Талантты оқушы мен оларды оқытқан ұстаздардың жұмыстары ұсынылады, деп хабарлайды @Pavlodarnews.kz.

1 қарашада сағат 15:00-де Нағымбек Нұрмұхаммедов атындағы облыстық көркемсурет музейінде қалалық балалар көркемсурет мектебінің 45 жылдығына орай ұйымдастырылған көрменің ашылуы өтеді.

–  Экспозицияда балалар көркемсурет мектебінің талантты оқушыларымен қатар көп жылдар аралығында суретшілердің жаңа буынын оқытқан ұстаздарының жұмыстары ұсынылады. Биыл біз балалар мен ересектердің шығармашылығын біріктіре отырып, өнер - ұрпақ сабақтастығының айқын көрінісі екендігін көрсеткіміз келеді,– дейді ұйымдастырушылар.

Көрмеге кескіндеме мен графикадан сәндік-қолданбалы өнерге дейін әртүрлі техникада орындалған 100-ден аса туынды қойылады. Әрбір туынды - автордың жеке стилінің көрінісі ғана емес, шығармашылық қабілеттерін шыңдау мен дамытуға жұмсалған тынымсыз еңбегінің нәтижесі.