Облыс орталығында бау-бақша шаруашылығында рейдтер жүргізілуде, деп хабарлайды @Pavlodarnews.kz тілшісі.

Бұл туралы облыстық Төтенше жағдайлар департаментінің баспасөз қызметі мәлімдеді.

- 21 сәуірде Павлодар қаласы ТЖ басқармасының қызметкерлері қаланың бау-бақша шаруашылығында рейдтер жүргізді. Азаматтарға жадынамалар таратылды, құрғақ шөптер мен жапырақтарды жағу ережелері түсіндірілді.  Аумақты және оның маңын құрғақ өсімдіктерден тазарту бойынша ұсыныстар айтылып, қызықтырған сұрақтарға мамандар жауап берді, - делінген хабарламада. 

Рейд барысында өрт қауіпсіздігі ережелерін бұзғаны үшін 5 бағбан әкімшілік жауапкершілікке тартылды. Бұл бағыттағы жұмыс жалғасуда және тұрақты негізде жүргізілетін болады.