Қалада иттер мен мысықтарға арналған ойыншық жасау бойынша шеберлік сағаты өтеді, деп хабарлайды @Pavlodarnews.kz тілшісі.

Жастар бастамаларын дамыту орталығының мәліметінше, 28 қыркүйекте «ЗооДостар» жобасы аясында «Тамаша ойыншық» шеберлік сағаты ұйымдастырылады. Қатысушылар мата мен басқа да материалдарды пайдаланып, жануарларға арналған ойыншықтарды өз қолымен жасайды.

– Ойыншықты өз үй жануарыңызға сыйлауға немесе қамқорлық пен көңіл бөлуге мұқтаж баспанадағы жануарларға тарту етуге болады, – дейді ұйымдастырушылар.

Шеберлік сағаты 28 қыркүйекте сағат 16:00-де басталады. Қатысушылар өзімен бірге ойыншық жасауға арналған мата әкелуі қажет.

Қатысу үшін +7 706 427 9562 нөмірі арқылы алдын ала тіркелуге болады.