Азаматқа қатысты әкімшілік іс қозғалды, деп хабарлайды @Pavlodarnews.kz тілшісі.

Оқиға Екібастұз қаласында болды. Қала тұрғыны сотталған азаматқа арналған азық-түлік сәлемдемесін алып келген. Тексеру кезінде палау салынған ыдыстың қос түбі бар екені белгілі болды. Оның ішінен ұялы телефон, сымды құлаққап және қуаттағыш табылды. 

– Мекеме қызметкерлері заңсыз әрекетті дер кезінде тоқтатып, заттарды тәркіледі. Аталған азаматқа қатысты әкімшілік іс қозғалып, материал сотқа жолданды, – деді облыстық қылмыстық-атқару жүйесі департаментінде.

Мамандар азаматтардың режимдік нысандарға тыйым салынған заттарды өткізу үшін жауапкершілікке тартылатынын атап өтті.