Көрші пәтердің иесі оқиға орын алған үйдің кіреберісіндегі қан іздеріне шағымданған, деп хабарлайды @Pavlodarnews.kz. 

Әлеуметтік желіде Павлодар қаласындағы Сәтбаев көшесі, 47 үйде тұратын әйел адам видео жариялады. Ол көрші пәтерде үнемі айғай-шу, төбелес болатынын, көршілері ішімдік ішетінін баяндады. Сондай-ақ кіреберісте қан іздері жатқанын айтып шағымданған. 

Облыстық полиция департаментінің мәліметінше, 4 сәуір күні сағат 19:37-де аталған мекенжай бойынша оқиғаға қатысты хабар түскен. 

– Белгілі болғандай, 33 жастағы қала тұрғыны мас күйде кіреберісте тұрған үстелге қолын кесіп алған, – деді департаментте. 

Оқиға орнына жедел жәрдем шақырылып, ер адам №1 қалалық ауруханаға жатқызылған.

Фото: ашық дереккөздерден