Бүгінгі күні олардың саны 853 адамды құрайды, деп хабарлайды @Pavlodarnews.kz.

Павлодар облысының аумағында қылмысқа қарсы күресте құқық қорғау бағытындағы қоғамдық құрылымдар баға жетпес көмек көрсетеді. 

 – Ағымдағы жылдың басынан бастап полицияның қоғамдық көмекшілерінің қатысуымен 12 қылмыс ашылып, әкімшілік құқық бұзушылық жасағаны үшін 258 адам ұсталды, деп хабарлайды облыстық полиция департаментінің баспасөз қызметінде. 

2025 жылы құқық бұзушылықтар мен қылмыстардың алдын алуға, жолын кесуге және ашуға жәрдемдесетін азаматтарды көтермелеуге облыстық бюджеттен 9 миллион 700 мың теңге бөлінді. Бүгінгі таңда полицияның 207 қоғамдық көмекшісі жалпы сомасы 6 миллион 500 мың теңгеге ақшалай сыйлықпен марапатталды.

Мысалы, шілде айында екі қоғамдық көмекші пәтер ұрлығын ашуға көмектесті. Учаскелік телефонға ауыл тұрғынынан оның үйінде мүлікті ұрлағаны туралы қоңырау түсті. Жедел-іздестіру іс-шараларын өткізу кезінде учаскелік полиция қызметкерлерімен еріктілер бірлесіп ұрлық жасады деген күдіктілер ұсталды. Қылмысты ашуға көмектескені үшін олар ақшалай сыйлықпен марапатталды.

– Азаматтық санасы жоғары адамдар құқық бұзушылықтың алдын алу мен қылмысқа қарсы күресте баға жетпес көмек көрсетеді. Көпжылдық тәжірибе халықпен тығыз ынтымақтастықта ғана тәртіпті қорғау және құқық бұзушылықтарға қарсы күрес бойынша барлық функцияларды табысты орындауға болатындығын көрсетеді, – деп атап өтті департаментте.

Сонымен қатар, үйден кететін кәмелетке толмағандар, жоғалған адамдарды іздеуде еріктілер құрамының көмегімен тез әрекет етуге көмектеседі.