Ол екі жылдың ішінде өзінің ынтасы мен ықыласының  арқасында Құранды толығымен жаттады, деп хабарлайды @Pavlodarnews.kz

ҚМДБ-ның Павлодар облысы бойынша баспасөз қызметінің мәліметінше, «Мәшһүр Жүсіп Құран жаттау орталығынан» тағы бір шәкірт қари атанды.

«Құран жаттау орталығының» ұстазы Арыстанның жетекшілік етуімен павлодарлық Бекзат Серікбаев қасиетті Құран Кәрімді  бастан-аяқ жаттағанын басқа да ұстаздарының алдында дәлелдеп, батасын алды.

Павлодар облысының бас имамы Жолдас Қоспақұлы жұма намазында жиналған жамағат алдында Бекзатты құттықтаса, Ерболат атты жамағат Бекзат Серікбаевқа умра қажылыққа жолдаманы сыйға тартты.