Байланыс орталығында өңір жұртшылығын сабырлық танытуға шақырады, деп хабарлайды  @Pavlodarnews.kz тілшісі.

– Өкінішке орай, азаматтар тарапынан 109 қызметінің менеджерлеріне балағат сөздер айтылатын сәттер жиі болады. Тұрғындардан өзара сыйластық пен сабырлық танытуды өтінеміз, – дейді операторлар. 

Сондай-ақ орталықта ҚР «Әкімшілік құқық бұзушылықтар туралы» Кодексінің 434-бабына сәйкес балағат сөздер ұсақ бұзақылық деп танылатынын және айыппұл салуға немесе әкімшілік қамауға алуға әкеп соғатынын еске салды. 

Айта кетейік, 109 қызметі – тұрғындар білім, әлеуметтік, коммуналдық және басқа да мәселелер бойынша ақпарат алып, өтініштерін қалдыра алатын орталық.

109 нөміріне қоңырау шалу тегін.

WhatsApp + 7 747 7 901 109;

Instagram - @109.pavlodar;

Telegram bot - pavlodar109;

Электронды пошта - contact@pavlodar109.kz;

KOMEK 109 мобильді қосымшасы.

Орталыққа Павлодар облысының барлық қалаларының, аудандарының және ең алыс ауылдық округтерінің тұрғындары хабарласа алады.