Бойжеткеннің жағдайы ауыр, деп хабарлайды @Pavlodarnews.kz.

Облыстық жедел жәрдем станциясының мәліметінше, 14 наурызда сағат 13:04-те Ген. Дүйсенов мекенжайындағы тұрғын үйдің төртінші қабатынан адам құлағаны туралы хабарлама түсті. Медициналық бригада төрт минуттың ішінде жетті.

№1 қалалық ауруханада қыздың жағдайы ауыр екенін хабарлады. 

– Зардап шеккен қыз реанимацияға жатқызылды. Оның жамбас сүйектері сынған және басқа да ауыр жарақаттар алған, – деді ауруханада. 

Оған сыртқы бекіту аппараты орнатылды. Алдағы уақытта дәрігерлер ота жасауға қатысты шешім қабылайтын болады.