Павлодарда автобус бағыттарына өзгерістер енгізіледі
Бұл өзгерістер уақытша орын алмақ, деп хабарлайды @Pavlodarnews.kz тілшісі.
Тұрғын үй коммуналдық шаруашылығы бөлімінің мәліметінше, 1-15 тамыз аралығында КазПравда көшесі бойынша Мақатаев көшесі мен Н. Назарбаев даңғылы шекараларында кәріз коллекторын реконструкциялауға байланысты автобустардың бағыты өзгертілмек.
№ 57 автобус маршрутының қозғалыс сызбасына уақытша өзгерістер енгізіледі. Бұл автобус бағыты Қ. Кенжетаев – Жаяу Мұса– Н. Назарбаев даңғылы арқылы екі бағытта да жүретін болады.
