Шара С.Торайғыров атындағы облыстық әмбебап ғылыми кітапханасында өтеді, деп хабарлайды  @Рavlodarnews.kz.

«Фиалочка» клубының қатысушылары 2023 жылдың 16 қыркүйегінде сағат 10.00-ден 13.00-ге дейін бөлме өсімдіктерін сату көрмесін ұйымдастырады. 

– Біздің гүл өсірушілер мен әуесқой бағбандар үйіңіз бен кеңсеңізді безендіруге, стильді интерьер жасауға және өсімдіктерге күтім жасау бойынша кеңес алуға көмектеседі. Көрмеде суккуленттер, шегіргүлдер, тредскантиялар, пеларгониялар және сингониялардың алуан түрлері ұсынылады, – дейді ұйымдастырушылар. 

«Фиалочка» клубының мүшесі Елена Бабаева гүлдерді күту және отырғызу туралы толық ақпарат береді. Сондай-ақ шегіргүлді жапырақ арқылы көбейту бойынша шеберлік сағатын көрсетеді.

Іс-шараға кіру – тегін.