10 қаңтар күні жарақат пунктіне 55 адам жүгінген, деп хабарлайды  @Pavlodarnews.kz тілшісі.

№ 1 қалалық аурухананың мәліметінше, оның 13-і көктайғақта зардап шеккен, бес адам жедел жәрдеммен жеткізілген, 26 адамда түрлі жарақаттар тіркеліп, екеуі ауруханаға жатқызылған.  

11 қаңтарда 36 адамға медициналық көмек көрсетілген. Олардың 36-сы көктайғақта зардап шеккен. Бір адам жедел жәрдеммен жеткізілсе, 35-і өздігінен келген.  20 адамда түрлі сынықтар анықталды, үшеуі ауруханаға жатқызылды. 

–   Көбінесе жабық сынықтар, иық, құйымшақ, алақан сүйектері, қабырғалар мен тобықтың сынуы кездеседі, – дейді ауруханада. 

Еске сала кетейік, ауа райының қолайсыздығына байланысты өңірде дауылды ескерту жарияланды. Түнде  облыстың басым бөлігінде, күндіз солтүстігінде боран соғып, жаңбыр аралас қар жауды.