#НеМолчиKZ қоры Денсаулық сақтау министрі мен балалардың құқықтарын қорғау комитетінің басшылығынан көмек сұрайды, деп хабарлайды @Pavlodarnews.kz тілшісі.

«Қыз осы уақытқа дейін аяғынан тұрмады. Бірнеше күн бұрын  оның алғашқы қадамдар жасауды үйреніп жатқаны түсірілген бейнежазба алдық. Ол әлі күнге дейін илеостомияның көмегімен өмір сүреді. Бірнеше ота жасалып, Астана мен Павлодар дәрігерлерінің арқасында тірі қалды. Жәбірленушінің жүруді үйреніп, денсаулығын қалпына келтіре алуы үшін Астанадағы мамандандырылған оңалту орталығына ауыстыру туралы өтінішпен жүгінеміз. Уақыт өтіп барады, — дейді #НеМолчиKZ қорында.

Сондай-ақ, қорда балалардың құқықтарын қорғау комитетінің басшылығынан кәмелетке толмаған жәбірленушінің құқықтарының сақталуын бақылау үшін бақылаушы ретінде сот тыңдауларына қатысуды сұрайды.

«Қазір ол әлі психологиялық тұрғыдан тұрақты емес, оған үнемі психологтардың көмегі қажет, оған алаңдамау керек. Біз оның психикалық жағдайынан қатты қорқамыз. Сотталушылар Павлодар облысының жетекші адвокаттарының қолдауына ие болды, олардың әрқайсысында екі адвокат бар, әрқайсысының ата-анасы сот өкілі болып табылады. Соттарда сотталушылар тарапынан барлығы бір жәбірленушіге қарсы 15 адам болады», — деп қорда алаңдаушылық танытуда. 

Естеріңізге сала кетейік, 16 жасар жетім қыздың топпен зорлау бойынша сот отырысы басталды. Зорлық-зомбылықтың құрбаны болған бойжеткен 10-қабаттың терезесінен секіріп кеткен.  Павлодар полиция департаментінің тергеушілері 2022 жылдың шілдесінде бүкіл елді дүр сілкіндірген резонанстық қылмыстық істі дәлелдеп, сотқа жолдады. Қылмыстық істі облыстық полиция департаменті басқармасының тергеу департаменті тергеп-тексеру  қорытындысы бойынша көптеген сараптамалардан кейін үш күдіктінің кінәсінің салдары толық көлемде дәлелденді. Барлық үш күдіктіге қатысты қамауда ұстау түріндегі бұлтартпау шарасы таңдалды.