Катаев көшесінде апаттық жағдай туғызған автокөлік иесі полиция назарына ілікті, деп хабарлайды @Pavlodarnews.kz тілшісі.

Облыстық полиция департаментінің мәліметінше, тәртіп сақшылары әлеуметтік желілерге жүргізілген мониторинг кезінде ереже бұзу дерегін анықтаған. Бейнежазбада «Audi A4» көлігінің жүргізушісі Катаев көшесімен қозғалу кезінде маневр қауіпсіздігіне көз жеткізбей, жол-көлік оқиғасының орын алу қаупін тудырған.

Аталған факті бойынша жүргізуші анықталып, әкімшілік жауапкершілікке тартылды.

– Жыл басынан бері маневр жасау қағидаларын бұзғаны үшін 727 жүргізуші әкімшілік жауапкершілікке тартылды, – деп хабарлады департаментте.

Өңірлік ведомство жүргізушілерге жылдамдық режимі мен қауіпсіз арақашықтықты сақтауды, сондай-ақ кенеттен басып озу мен апатқа әкелуі мүмкін шұғыл маневрлерден аулақ болуды ескертеді.

Посмотреть эту публикацию в Instagram

Публикация от Организация (@dp_pavlodar)