Облыс орталығында спорттық акробатикадан №1 СДЮШОР чемпионаты өтті, деп хабарлайды @Pavlodarnews.kz тілшісі.

Жарысқа алты мен 13 жас аралығындағы 65 спортшы жиналды. Кейбіреулер үшін бұл олардың өміріндегі алғашқы жарыс болды. Жеті жасар Дана Ғалымбек пен сегіз жасар Давид Меликов спорттағы алғашқы қадамдарын жасады.

- Барлық қатысушылар көп күш салып, жақсы өнер көрсетті, - дейді бапкер Марина Гулевская. – Әркім өзіне лайықты орын алды. Жарыс жақсы өтті.

Көрермендерді Қазақстан чемпионаттары мен халықаралық жарыстардың чемпиондары мен жүлдегерлері таң қалдырды. Олардың демонстрациялық қойылымдары қошеметке бөленді.

Ал дебютанттар Дана Ғалымбек пен Давид Меликовке келсек, олар қола жүлдені жеңіп алды.