Павлодарлық әншінің Франциядағы жоспарларын чехиялық досы айтып қойды
Опера дивасы Франциядағы ең көне опера театрында өнер көрсетуге қызу дайындық үстінде, деп хабарлайды @Pavlodarnews.kz тілшісі.
Павлодарлық әнші Мария Мудряк Instagram желісіндегі парақшасында қай жердің атын атамай-ақ, өнер көрсету алдында әзірлік жасап жатқаны туралы видеосымен бөлісті. Алайда оның Вольфганг Амадей Моцарттың «Cosi fan tutte» спектаклін орындауындағы әріптесі чех Иржи Рейниш бәрін «айтып қойды».
- Фьордилиджи рөліндегі Мария Мудрякпен күтпеген өнер көрсету болды. Көрермендер күліп, мәз-мейрам болды. Мен олардың «браво» айқайлары үшін өте ризамын. Күлкіге толы репетиция уақытымызды ешқашан ұмытпаймын, - деп жазады павлодарлықтардың әріптесі.
Посмотреть эту публикацию в Instagram
Спектакль 3 ақпанға жоспарланған. Спектакль Франциядағы ең көне Мец опера театрында өтеді. Мария Мудряк Феррарадан келген Фьордилиджи есімді ханымның рөлін сомдайды. Бір қызығы, француз революциясы кезінде ғимараттың алдына гильотина орнатылған еді.
Мец — Францияның солтүстік-шығысындағы қала, Лотарингия тарихи аймағының бұрынғы астанасы.
Еске салайық, өткен жылдың соңында павлодарлық Моцарт операсында ойнаған болатын, ол тағы бір тарихи театр – Моденадағы Паваротти-Френиде сахналанды. Сол кезде оның орындауы сенсация тудырды, әнші жергілікті баспасөзде жағымды пікірлер алды.
